政情：公民講場：「譚」論政改毋須反枱

政制及內地事務局局長譚志源（Raymond）連日落區出席區議會會議，就政改諮詢聽取區議員意見。唔知佢係咪眼見日日講到口水乾，政改諮詢都未見有「喜」色，尋日就喺屯門區議會會議尾聲，主動預示對最終能夠通過政改方案不表樂觀，希望大家理性討論，毋須咁快「紮馬」、「反枱」，各方都係想和氣生財，未使咁緊張，反正都未有耐「埋牙」，最重要大家有商有量咁話。唔通Raymond有感向來火氣旺盛嘅屯門區議會，有議員傾政改傾到想動粗？冇嘅，有身邊人話Raymond都係想秉承政改三人組嘅「苦口婆心」論調啫！