271線勁脫班 市民光火
鍾先生經常於油麻地廣華醫院站等候271線前往大埔，早前一如既往於傍晚時分候車。按班次時間表所列，該時段的271線應每隔六至十分鐘開出一班，但鍾當日等候逾四十分鐘仍未能登車，不滿九巴嚴重脫班令市民大失預算，「大半個鐘點都應該有五班車嚟，點知等咁耐一班都冇，真係等到一肚火！」
九巴發言人指出，271線行走尖沙咀（廣東道）至富亨總站，根據當日紀錄，271線受窩打老道交通擠塞影響出現延誤，強調當值站長已作出車務調動，安排繼後班次提早開出以疏導乘客。
「當日等車嗰陣，本來三個字先一班嘅270A都嚟咗三架，兩條線途經嘅站都差唔多，點解係得271塞車塞咁耐？」鍾先生不滿九巴圖以「塞車」作開脫，未有正視市民對脫班的不滿，無意改善問題。