港鐵多條路線喺繁忙時間逼爆，市民慘變「沙甸魚」，其實咪又係同其他問題一樣，因為上屆政府規劃不善，害到本屆政府要作出補救囉。立法會議員田北辰尋日出席電台節目鬧爆「貪曾」前特首曾蔭權爵士任內懶理鐵路發展，罔顧鐵路載客量逐漸飽和對市民嘅影響，又唔肯果斷採取措施處理問題，先會搞到問題變得一發不可收拾。貪曾任內好逸惡勞之餘仲要毫無建樹，仲要丟低勁多爛攤子要現屆政府幫佢執手尾，香港經濟發展之所以停滯咁多年，真係多得佢唔少！
