政情：今日你上鏡：工總青委團拜玩扮嘢

工業總會青年委員會今年舉辦與別不同嘅新春團拜，除咗選擇一間具中西合璧設計嘅餐廳外，出席嘅青委分別扮演外國性感影星、俠醫、海盜，道士、英雄、神級武打明星等，個個扮得似模似樣，相當滑稽，全場笑聲不絕。青委副主席劉燊濤（Gary）扮演漫畫主角華英雄，而另一副主席陳允誠（Bryant）則扮演瑪麗蓮夢露，最後由Gary同Bryant奪得男女主角大獎。至於以爆炸頭裝扮嘅主席陳嘉賢就獲得最佳造型獎，佢寄望今年大家生意興隆，業務蒸蒸日上！