政情：袁莎妮宣傳好市民獎
負責獎勵市民維持治安、撲滅罪行嘅「好市民獎」，大家一定聽過，但其實呢項有四十年歷史嘅獎項，就唔係好多人知香港總商會一直有份協辦喇。總商會行政總裁袁莎妮（Shirley）為咗推廣「好市民獎」，日前親身上陣拍攝宣傳片，片中Shirley坐定定咁介紹好市民獎，而且人靚聲甜，唔講分分鐘以為佢做咗主播報新聞。
拍片講總商會協辦原因
好多市民都唔知道，總商會點解要舉辦好市民獎，所以Shirley用咗個新鮮手法，以短短四十秒短片，解釋總商會協辦「好市民獎」嘅原因。Shirley話，一個地方有良好治安，自然營造有利營商環境，所以對商界嚟講，撲滅罪行真係人人有責。
Shirley喺片中着上一套白色恤衫，再披一件米色外套，好似電視主播咁大方得體，又帶有專業行政人員感覺。加上佢五官標致，略施脂粉絕不比真正嘅主播遜色。