泛民主派好多人都冇回鄉卡，但唔緊要，好似民主黨立法會議員何俊仁（鐵頭仁）咁懷着一個「中國夢」就掂嘞！尋日佢就喺會議廳內，當住全港人甚至全世界人面前爆發呢股愛國情懷，竟然眾目睽睽下用平板電腦瀏覽內地網站，鑑賞多張火辣三點式性感女郎艷照，特點係大部分相中人都係內地年輕肉彈。鐵頭仁一睇就睇足十幾分鐘，似乎對內地口味真係情有獨鍾，唔知係咪要尋找心目中嘅「民主女神」呢？
