非禁區雙白線 玩殘駕駛者
「呢度成日都有車停喺慢線落，依家無端端仲要喺路中間加條雙白線，後面啲司機唔敢越線爬頭，結果就日日搞到大塞車！」元朗居民盧先生指出，壽富街近好順福大廈一段路屬雙線雙程行車，最近運輸署在路面髹上雙白線，禁止車輛切線，但因現場並非全日禁區，故經常有車輛停泊及上、落貨，令道路出現嚴重阻塞，不滿當局劃上雙白線前未有仔細考慮相應配套。
運輸署：安排劃為禁區
運輸署發言人解釋，上址車路為彎位，早前在路段加設雙白線以改善交通安全，現正安排將有關路段劃為全日禁止泊車區域，以配合有關措施，及防止車輛於路段違例停泊。至於警方發言人則說，去年共接獲超過二百三十宗上址車輛阻塞和違例泊車投訴，發出約六百四十張定額罰款通知書。
盧先生要求當局盡快完成改善措拖，以紓緩該帶交通擠塞，「其實（運輸署）劃雙白線之前就應諗清楚啲配套，唔應該搞到成日塞車先嚟補鑊！」