探射燈：「多咗學額 學生質素參差」

每年大學迎新營總會出現色情成分，令大學生形象受質疑。（資料圖片）

「個別學生態度會差，例如冇乜自律能力、交功課唔準時、自我中心，做錯時唔覺得自己有問題。」香港理工大學社會政策研究中心主任鍾劍華稱，臨近學期尾，部分學生趕不及完成論文，要求延遲期限，但遭講師拒絕，甚至扣分，便形成師生關係緊張。

講師怕炒 過分催谷

另有大學講師指，其實學生不太重視校本評核，「好多都係求其填，但係啲講師就好驚被劣評冇咗份工，於是過分勤力地逼學生考試溫書，搞到學生寧遲到曠課，咪造成惡性循環！」他批評大學高層不用接受評核，講師卻時刻受三百六十度審視，壓力極大，影響教學質素。

鍾劍華稱，個別學生的確有態度差、自我中心的情況。

大學生點睇 阿君（經濟系／一年級）：「今個學年遲到咗起碼六次。其實遲到係依家九十後嘅通病，我會努力改善！」

• Harriet（英文系／二年級）：「上堂遲到有好多原因，中大地形特別，要坐校巴，校巴唔準時都會令學生遲到。」