政情：黃春平做區議員 老婆怕「拍拖」
身兼創建力量秘書長嘅觀塘區區議員黃春平，自從喺區議會選舉時被揭曾任職中聯辦之後，行事就愈嚟愈低調。不過佢自爆做人咁低調全因太太唔想張揚，尤其係佢做咗區議員之後，太太就更加怕同佢一齊行。咁啱黃太都係內地人，莫非係擔心會畀人鬧做「蝗蟲」？
直認愛國愛港
黃春平就話自己唔驚嘅，佢的而且確係新移民，一向都唔怕認自己係愛國愛港，仲會大大聲話自己係親中愛國陣營添！做咗區議員後就避免不了高調，依家佢會定時擺街站，仲被其他區議員笑稱做壞個市添！
佢又話，曾經有電台搵佢講吓新移民或者嘅「驅蝗」問題，不過被佢一一婉拒，全因為太太鍾意低調喎！黃春平仲話，自從佢做咗區議員之後，太太就更加怕同佢一齊行，所以莫講話行街拍拖，就算搵太太一齊出街飲餐茶都難。