Party Life：好歌叫座

由香港歌劇院主辦嘅「連心美唱」籌款音樂會，早前喺演藝學院舉行，城中一眾才華洋溢嘅名人盡展好歌喉，喺香港管弦樂團伴奏下，演繹多首經典中西名曲。悅耳歌聲將善款數字推上高峰，掌聲、歡呼聲，迴蕩音樂廳內。

另一邊廂，釋囚都為慈善獻愛心，一百張由哥倫比亞釋囚人士人手製作嘅椅子，巡迴世界各地展出後，當中十九款早前登陸香港，城中名人先睹為快。展出嘅椅子全部公開發售，部分銷售收益將撥捐香港救助兒童會，幫助中國及其他發展中國家的孩子。

座椅慈善展身為室內設計師的恒基地產營業部副總經理鄧鳳賢，對創意十足的椅子非常感興趣。	著名時裝設計師鄧達智見到咁多椅子，唔知從中搵唔搵到設計靈感呢？	社交名人伍士榮鍾情時尚風格的辦公室座椅。
籌款音樂會香港歌劇院董事長谷川留美子（左）都係歌喉了得之人，當晚粉墨登場，好友（右）當然嚟打氣啦。	香港賽馬會大董周永健（左）台風四平八穩，一曲《盡在不言中》，令人聽出耳油。	香港歌劇院董事丁曾詠軒（右）與世界著名男高音莫華倫合唱一曲《維也納，我夢中之城》，非常合拍。
香港歌劇院董事郭永聰演繹一曲《孤星淚》，大有唱家班水準。