天恩邨蚊型廁逼害住客
房屋署早前宣布將為屯門寶田邨的「蚊型廁所」進行擴建工程，但同期落成的天水圍天恩邨第一期，原來亦有逾三千個單位廁所面積不足一平方米，卻未有納入擴建之列，直至本報了解事件後，房署才聲稱將同步審議天恩邨的改善方案。區議員與關注團體均認為，隨着邨內人口年齡漸長，居民在狹窄廁所內跌傷個案日增，不滿當局「唔踢唔郁」，無視居民苦況。
天恩邨第一期於○一年落成，與寶田邨同屬中轉房屋設計，單位的「蚊型廁所」亦同為人詬病多時。
「成日撞到隻手瘀晒」
年逾八十的梁伯入住天恩邨近十年，數年前因受傷致行動不便，坦言每次進入廁所均「難過登天」，「個廁所細到轉唔到身，成日都撞到隻手瘀晒！」需貼身照顧丈夫的梁妻則指廁所過於狹窄，無法陪伴進出，「好擔心佢再跌親，惟有佢沖親涼、去親廁所都企喺門口等，希望房署快啲改善吓！」
廁所小於一平方米
另一住戶溫女士亦遇相同問題，「窄到想伸直對手都唔得，沖完涼更加唔使旨意可以喺入面着衫！」鑑於廁所過於狹窄，獨居的溫女士為免沾濕衣服，每日洗澡後均要走出客廳穿衣，在近月持續寒冷的天氣下，坦言「凍到騰騰震，分分鐘凍病」。
房署發言人承認，天恩邨第一期共有三千五百二十八個單位，廁所面積一般小於一平方米，但強調出租前會向申請人清楚解釋，居民亦可享有較低租金及一個月的額外免租期，若因醫療因素難以繼續在單位居住，房署亦會酌情考慮特別調遷。對於被指改善措施欠奉，發言人則指寶田邨的單位廁所擴建工程建議同樣適用於天恩邨，而有關計劃仍在審議階段。
「如果唔係由《東方》去問，我諗房署一路都唔會理件事！」當區區議員趙秀嫻指天恩邨「蚊型廁所」問題已持續多時。過往從未聞房署提出改善方案，直至接獲傳媒查詢始急作澄清。
議員：擴建需求迫切
趙又稱，邨內人口老化、家庭狀況改變，居民對擴建單位廁所需求愈見迫切，「好似有啲家庭生咗小朋友，想幫仔女沖涼都唔得，成個廁所連埋浴室都唔夠兩隻手位長，一個人企入都難，一郁身就撞到洗手盆或花灑喉，真係牙煙！」
公屋聯會主席王坤亦要求房署盡快進行改善工程，「廁所咁窄，對啲老人家同大肚婆嚟講真係有危險，佢哋好易撞親跌倒，房署拖落去都唔係辦法！」
記者：楊育輝、林松澧