探射燈：獻吻雙嬌 情人節再出擊

「唔覺得係咩大件事，Kiss 喺西方國家代表禮貌，係香港人太保守啫！」十七歲的中學生阿雪樣子可愛，身穿白色毛衣，在剛過去的平安夜和除夕夜，與十五歲的好友娃娃到尖沙咀碼頭高舉Free Kiss作招徠，吸引男女老幼前來索吻。

身穿運動服的娃娃樣子同樣標致可人，她稱靈機一觸發起 Free Kiss活動，「趁住節日，想大家開心吓，冇特別原因，Free Hugs又玩到悶！」她聲稱深得家人支持，「父母好開通，信任我知自己做緊乜！」惟阿雪卻大吐苦水，稱其父母思想較守舊，經過一番游說才准她街頭獻吻，「呢一代九十後睇法開放咗，唔應該用佢哋嗰一套去批評我哋！」

網上流傳平安夜有少女於銅鑼灣舉行Free Kiss活動。	兩名九十後少女趁節日玩Free Kiss，聲稱吻過逾五百人。	放大圖片

男士要求親嘴遭拒絕

娃娃表示，兩晚分別站立了九小時，在除夕夜倒數後尤其「旺場」，曾出現數十人長龍索吻。她喜孜孜說，當晚有男士盛讚她們美麗可愛，兩晚共錫過逾五百人，最年輕的只有三、四歲；最年長是一位七旬伯伯。雖謂Free Kiss，但非「任錫唔嬲」，娃娃說：「我哋只會錫男士面；可以錫女士嘴，濕吻一定唔得！」阿雪不諱言有男士採取主動，要求親咀，遭她們立即拒絕。

十七歲的阿雪（右）和十五歲的娃娃（左）高舉Free Kiss紙牌，歡迎男女老幼索吻。	大專生點睇 楊小姐：「可能我保守啦！我接受唔到當街當巷玩Free Kiss，Kiss應該係留畀自己鍾意嘅人！」	黃先生：「錫係表達愛嘅一個方式，應該要忠於伴侶，況且女朋友會呷醋，所以唔會玩Free Kiss！」

「錫到我鼻都扁！」娃娃與記者分享時笑言：「有啲人皮膚好差、好多面油，我唔會歧視，都會照咀，冇乜諗過衞生問題，不過有好心人遞上紙巾畀我抹面。」其實除她們外，記者於網上亦發現有少女在平安夜於銅鑼灣舉行Free Kiss活動。　

「Free Kiss係高危行為，因為嘴有好多細菌，被錫、錫人都危險！」家庭專科醫生關嘉美指，親嘴可傳播病菌，一旦被錫者是帶菌者，錫人者即時中招，尤其現時為流感高峰期，病菌有可能經唾液人傳人。她補充，即使只是親臉，臉上亦可能會有金黃葡萄球菌及鏈型球菌等，可致氣管敏感發炎，甚至腸胃炎。

醫生指高危 社工勸喻

除了醫生不贊成，網民於討論區亦圍插她們，指免費獻吻有違道德、「冇眼睇」，亦有人覺得她們「博出位」。「我唔想平反啲咩，我哋玩乜關網民咩事？」娃娃認為他們不了解自己，一於懶理網上負評。阿雪則對此表示有「少少嬲」，不過朋友大部分出於關心，「佢哋怕我會蝕底！」

資深社工陳鑑銘則表示，年輕人玩Free Kiss應考慮其背後意義，「慶節有好多方式，年輕人應要考慮有咩危機，唔好試咗先算！」陳擔心，年輕人我行我素的個性，令他們對於男女間的親密行為界線變得含糊，「親密行為唔係同任何人都做得，何況香港有中國人保守為主嘅文化背景。」他建議，獻吻少女應要得到父母同意和顧及自身安全，才作出這行為。

圖：梁偉恩、受訪者提供／文：陳淑珍