上月發表嘅施政報告主打扶貧，唔少中產市民都期望本月廿六日公布嘅財政預算案，會有多啲幫到佢哋嘅派糖措施，但偏偏財政司司長曾俊華（鬍鬚曾）近日不斷向外界放風，話人口老化令港府經常性開支增加，再咁派落去，庫房七千億儲備遲早會用完，因此佢會喺今年預算案開始「走甜」，減少一次性嘅派糖措施。到底鬍鬚曾係真係完全脫離民情不知民間疾苦、純粹玩「狼來了」嚇下人、定係佢根本唔想撈刻意玩嘢博炒？大家等多兩個禮拜就會知曉。
