唔少香港人都趁農曆新年假期外遊鬆吓，立法會議員亦唔例外，其中民建聯副主席蔣麗芸選擇搭郵輪遊越南，最後變咗「佔領郵輪」，而新民黨副主席田北辰（田二少）就同屋企人去咗加拿大叉電。年過六十歲嘅田二少依然活力十足，原本純粹諗住同家人去海邊游吓水同曬吓太陽，見到岸邊有人玩滑浪，佢心思思最後又玩埋一份，搵咗個當地教練指導基本技巧，並成為該名教練歷來年紀最大嘅學生。玩開有條癮，佢揚言遲啲會喺香港正式拜師學藝，繼續做滑浪老年。
