上海街多僭建 破壞遊客觀感
「以為側側膊人哋唔多覺就喺個僭建物度開舖，屋宇署又懶懶閒唔做嘢，結果就搞到幢幢樓都僭建，試過有遊客問我點解呢個位都可以起間舖，我真係唔識答！」上海街舊樓處處，任職導遊的盧先生更形容該區為僭建天堂，唐樓的平台天台盡是僭建物，幾成「香港特色」，又指曾目睹不少遊客舉機拍照，對僭建物充滿好奇。
屋宇署發言人表示，根據紀錄，投訴人所指的一字樓平台有僭建物，按現行的僭建物執法政策，有關僭建物屬須要優先取締類別。發言人表示將按序向平台僭建物業主發出清拆令，並已先發信予業主，要求盡早自行安排清拆僭建物。
「我唔想畀人覺得香港完全無王管，僭建物亂咁起又唔合法，就連外國人睇到都覺得好奇怪！」盧先生促屋宇署加緊執法，切勿破壞香港法治之都的形象。