業主求助滲水辦 八年未解決

杜太與家人租住葵芳一私樓單位，○六年起發現客廳天花滲水，「唔定時咁滴水，幾年前仲開始有石屎甩落嚟！」杜太指天花疑因滲水持續，天花已變得「蓉蓉爛爛」，石屎剝落情況嚴重。剛過去的大除夕，杜太安坐在客廳梳化時便差點被剝落石屎擊中，事後憶及仍猶有餘悸，擔心家人隨時「中招」。由於憂心天花石屎有進一步剝落危機，杜太當日分別報警及透過1823政府熱線求助，「搵唔到其他辦法，惟有希望透過政府部門幫手，叫滲水辦可以重視我嘅個案、認真啲跟進！」

一時話樓上 一時話外牆

杜太坦言數年來已多次向滲水辦投訴，可惜最終仍不了了之。事實上，滲水辦曾於一○年函覆杜太，指滲水因上層單位浴室地台防水層破損，已囑上層住戶維修；翌年則指滲水乃大廈外牆防水設施破損所致，並要求杜太自行聯絡大廈法團 ，「究竟邊度係滲水源頭？滲水辦畀我嘅信有一大疊，但答案就成日都唔同，又冇解決方法！」杜太不滿滲水辦跟進不力，令小市民無辜受累，「滲水辦係政府部門，但都係叫市民自己搵法團，咁要嚟做乜？」

本報多次查詢未獲回應

本報分別向食環署及屋宇署查詢上述個案，食環署發言人指個案會交由屋宇署一併處理。不過，本報轉交個案三個星期後仍未獲屋宇署回覆，至截稿前曾先後六度向該署查詢，惟仍未獲任何回應。

「連傳媒查詢都可以當耳邊風，市民又點可以相信屋宇署同食環署幫到手？叫市民點可以安居？」立法會房屋事務委員會委員麥美娟批評食環署與屋宇署處事敷衍，漠視滲水對市民造成的困擾。麥建議政府透過檢討滲水辦的人手安排、提升尋找滲水源頭技術，以及要求前線人員仔細跟進個案等多方措施以作改善，「市民都係有需要先至求助，滲水辦應該畀個明確嘅交代，仲要仔細跟進，睇吓改善到未！」

記者徐少琴