探射燈：神州遍地鎘 食品瓣瓣黑
去年七月，本報曾抽驗本港及深圳的米粉鎘含量，結果發現兩地各有一個米粉樣本超標一倍，其中本港「毒米粉」樣本產自「米粉之鄉」的東莞市道滘鎮。事隔半年，本報抽驗兩地大米，同樣發現鎘含量超標，事件反映內地黑心食品無孔不入，港人「無啖好食」。
發展重工業 農田受污染
「我哋唔可能從肉眼分得出啲米有冇鎘；餸菜又甜又酸，味覺唔會分到（米）有冇鎘。」就鎘米再現，香港專業教育學院（柴灣）應用科學系高級講師方麗影坦言，市民不可單憑肉眼及味覺分辨鎘米，若市民懷疑大米的安全性，只可從留意大米的產地入手，「留意出產（米）嗰度附近有無燒煤炭，發電嘅重工業，如果有，附近嘅農田、水同空氣好可能已經被（鎘）污染。」
香港專業教育學院（柴灣）應用科學系講師兼註冊營養師黃蘊芝則解釋，進食不同碳水化合物食品，可減少因長期食用同類碳水化合物食品而增加吸收鎘的機會，「米主要嘅營養係碳水化合物，米粉、通粉、麥皮都可以代替米，如果擔心其他米類食品同樣有問題，食薯仔、番茄一樣可以吸收到相若嘅營養。」