政情：陳勇讚on.cc東網資訊多又快
身兼港區人大代表嘅新界社團聯會理事長陳勇尋日盛讚「on.cc東網」上載非常快捷，資訊豐富，對佢從事社區工作有好大幫助。陳勇又向東方報業集團讀者拜年，祝願大家馬到功成、如意吉祥、心想事成！
邱榮光祝讀者新春愉快
關注環保嘅鄉議局執委邱榮光亦同讀者拜年，恭祝大家新春愉快、身體健康、識（惜）飲識（惜）食、回收是福喎！講開環保，邱榮光透露，由佢主理嘅環保協進會嚟緊將聯同其他五個環保教育中心，一齊大搞盆菜宴，以慰勞班勞苦功高嘅義工，同埋一齊慶祝新年喎。食盆菜通常會有好多剩食，邱榮光早有預備，佢哋已提醒啲義工帶備私家碗筷同埋食物盒，咁到時就可以將食剩嘅食物帶返屋企，輕輕鬆鬆做到零廚餘啦！佢又話，盆菜有好多餸汁，隔日再食仲好味，所以呢個方法真係一舉兩得咁話。