雞販跳海大控訴

跳海雞販馬平盛（四十三歲），家中有六兄弟姊妹，父親以賣活雞維生，故他從小已到雞檔幫手，十六歲曾做木工，兩年後承繼父業，現時剩下四兄弟繼續在牛池灣街市馬松雞檔打理生意，依靠賣活雞支撐四個家庭。

質疑食衞局誇大疫情

港府早前揭發佛山順德供港雞場的活雞帶有H7N9病毒，食物及衞生局局長高永文周二決定大開殺戒，封場廿一日，周一起將批發市場內兩萬隻活雞殺清光，又禁止本地農場出雞，一眾雞販損失慘重。馬表示，他有二百多隻活雞在批發市場，總值二萬元，而每逢年廿八至年三十都能售出超過二千隻活雞，今次預料痛失十萬元生意額。

馬平盛	雞販蹈海逐格睇 跨出鐵欄	扶杆危企

他坦言，過去曾經歷多次禽流感風波，活雞其實也是受害者，而並非病毒源頭：「如果真係雞傳人，唔好話我，喺街市嘅人都一早感染到，但我做到今時今日都係零感染！」他質疑疫情被當局及專家誇大，引起市民恐慌。

背飛維港	水花四濺	消防救起

揚言今晨渡海泳示威

昨晨十時許，馬到尖沙咀碼頭旁的海邊圍欄，貼起抗議標語示威，指摘政府一刀切殺雞措施，引起途人圍觀。未幾，他自行報警揚言要跳海，復爬出圍欄，背向大海危站。逾廿名警員、三輛消防車及一輛救護車趕至，水警亦出動三艘艇戒備。警員向馬好言相勸，但馬的態度未有軟化，其後更突然大嗌一句「辛苦晒」，即向後躍入海中。兩名消防立即跳入水中將馬救起，他拒絕送院，自行乘巴士離去。他稱未來三日會繼續抗議，今晨會由尖沙咀碼頭游過對面海。

盼政府保留雞行工種

馬事後表示，家人事發前已得知其跳海行動，並感到擔心，但他慨嘆：「唔做（跳海）嘅話我壓力好大……好徬徨，又好深深不忿，希望保留雞行工種。」雖然政府有補貼受影響雞販，但他無奈指：「我哋讀得書少，係搵呢啲手作仔嚟做，唔想攞綜援，我哋要用雙手搵番嚟嘅錢！」他續指，雖然有客人要求他改售冰鮮雞，但目前仍慎重考慮中，認為始終冰鮮雞含有添加劑，會影響皮膚及頭髮，且存放超過一日會傳出異味。