目擊者指車賊失理智
【本報訊】「佢見人撞人，見差人撞差人！」癲狂偷車黨在港島橫街窄巷上演驚險「碰碰車」，有目擊者直言「佢失晒理智！」被搶走平治的司機李先生嘆指剛動完大手術，揭發失車後不斷追車，又將路邊垃圾桶及蒸餾水樽推出馬路「喘晒氣」，「當時每一秒都轉動得好快，位置都唔同晒！佢見人撞人，見差人撞差人，啲鐵馬都撞散！有警察掹槍，又拎警棍敲佢玻璃……」，他估計當時車速達一百公里。事件中痛失友人兩萬元利是錢，但曾到澳門賽車的他大讚車賊「好醒目」：「呢個人有料到，手車好辣！」
年近歲晚 偷車案激增
癲駕現場附近有不少海味舖，由於年近歲晚，事發時有不少趕辦年貨的市民，皆目擊驚心一幕，朱女士直言：「佢失晒理智，喝極都唔停！真係好瘋狂，見位就想走！」
年近歲晚，本港四日內已最少發生六宗偷車案，當中手法如出一轍，睇準司機插匙離去後乘虛而入。記者事後重臨案發現場，發現不少貨車司機落車後，無拔掉車匙的習慣，車窗及車門更打開，車頭更放置如平板電腦、手提電話等貴重財物，僅部分有工友留守看車。