商販轉售冰鮮雞 銷情慘淡損失重

不少市民對選購冰鮮雞卻步。（梁耀榮攝）

當局前晚下令殺雞，九龍城街市雞檔昨早電話響不停，檔主玲姐苦笑道：「打嚟問係咪無晒活雞買，講到口水都乾埋」。不少客人來買雞時，見雞籠空空如也，不禁露出失望之情，任憑玲姐如何「落足嘴頭」游說他們改購冰鮮雞，仍不為所動，空手而回。

玲姐說，冰鮮雞銷情欠佳，不敢大量入貨，昨日僅入貨一百隻，但結果「成朝先賣咗四十隻，唔知賣唔賣得晒？」她說，有熟客本打算買八隻活雞過年，最終僅買一隻冰鮮雞「頂檔」。年廿八至年三十屬全年生意最旺，以往一早可賣出過百隻活雞，與現時情況相比，「係天同地比」。她大嘆損失慘重，冀盼政府放寬，准許售賣本地活雞。

食肆一早改用冰鮮雞，市民團年飯大快朵頤。（高嘉業攝）	主婦心聲 黃太：「冰鮮雞口感粗糙，又無咩雞味，都係為應節，先焗買兩隻！」	王太：「一定唔會買冰鮮雞食，對內地檢疫制度無信心，始終係食落口喎。」

食肆稱生意未受影響

叙福樓集團執行董事黃傑龍表示，市民經歷多次禁雞後，已變得較冷靜。冰鮮雞質素不斷提升，不少市民已習慣吃冰鮮雞，生意幾乎無影響，但要向指定用活雞作菜式的客人解釋，暫未有客人要求改菜單。百樂門飲食集團董事長李國雄亦指，業界陸續轉用冰鮮雞取替活雞烹調餸菜，客人認為兩者沒有差別，暫未有預訂團年飯的市民要求取消雞菜式。