天台僭建6年未拆 屋署懶執法
「天台無端端起多咗一層出嚟，風吹雨打咁多年，啲鐵皮都生晒銹，打風容乜易會吹冧？」張先生指紅磡差館里有大廈天台疑搭有僭建物多年，鐵皮屋已見銹迹斑斑，質疑屋宇署未有積極打擊違規僭建，有忽視市民安全之嫌。
屋宇署發言人證實上址天台有僭建物，早於○八年已向涉事業主發出「警告通知」，亦將通知移交土地註冊處註冊（俗稱釘契）。
由於僭建物屬新修訂執法政策中須優先取締類別，該署將向業主發出清拆令，並要求在限期前清拆，否則將考慮檢控。
不過，張先生坦言對屋宇署的回應大表不滿，質疑當局執法不力，令僭建物至今仍未被取締，「拖咗成六年，到今時今日間鐵皮屋都仲喺度，執法效率低成咁，係咪應該研究下點樣縮短個程序，唔好咁死板？」