今年施政報告隻字不提取消強積金對沖同標準工時立法，尋日勞工及福利局局長張建宗出席立法會人力事務委員會講施政報告措施，多位勞工界議員都向佢「追數」，其中工聯會陳婉嫻質疑政府喺勞工問題上左搖右擺，張建宗推說要默默耕耘。嫻姐當然唔肯咁易收貨，質問佢仲要耕幾耐，張建宗就形容自己已經耕到「出緊汗」。但係張建宗有冇諗過，你就有長俸保障最多都係做到出汗，因為強積金對沖而唔見晒啲退休金嘅打工仔女就係出緊血呢？
