政情：今日你上鏡：「正義」舞獅 反佔中浪接浪

正義聯盟尋日走進中環反佔中，公布今年三月起會招募一萬五千至二萬名正義糾察救傷隊義工，期間為咗壯大聲勢，佢哋仲搵咗龍獅隊表演，仲學足過年咁由龍獅隊展示「正義群英顯威風 愛與關懷反佔中」嘅對聯。正義聯盟其後又擺咗個寫住「佔中」嘅人樣紙牌，即席將印上「佔領中環」嘅紙張摺皺後直接放入人樣紙牌個口度。正義聯盟召集人李偲嫣預告年三十晚會上載訪問節目至互聯網，六月初仲諗住做個大騷，正義聯盟反佔中行動認真一浪接一浪。