慈雲山電單車泊位短缺
慈雲山毓華里設有十個公眾電單車泊位，不過，在區內工作的吳先生卻發現上址泊位嚴重供不應求。「嗰度啲車位好唔夠，成日都泊滿晒，好難搵到位泊車，有啲仲要勉強兩個位泊三部車！」吳不滿運輸署未有正視該區電單車泊位不足問題。
運輸署發言人表示，就上述情況正安排交通調查，並將研究有關電單車泊位的需求及增設泊位之可行性。倘技術可行，該署會安排諮詢地區人士，然後再決定是否增加電單車泊位。
「唔好淨係得個講字，政府真係要認真正視同改善至可以幫到市民！」吳先生希望運輸署盡快落實增設電單車泊位，早日紓緩泊位供求緊張情況。