排檔霸道 市民舉步維艱
「條路本身已經唔係闊，仲要擺晒啲貨出嚟，有時仲連手推車都有，叫人點行？」李小姐每日均會行經新填地街近寧波街交界，由於上址設有不少排檔，加上部分地舖將貨物擺放行人路，令市民寸步難行。
食署被指執法不嚴
食環署發言人表示，一向關注上址店舖非法擴展營業範圍，職員除日常例行巡查外，亦不時採取突擊行動檢控違例人士。發言人又指，過去一年共接獲四宗相關投訴及提出十四宗檢控，會繼續留意有關情況。
「日日咁擺點解都只係得十四宗投訴咁少？」李小姐質疑食環署未有嚴厲執法，令阻街情況毫無改善，「政府賣廣告就識叫人畀條路行下，但唔係得個講字就得，你唔執法條路又點會自己出番嚟？」