Party Life：深情懷舊

離合快過打針的新世代，一對夫妻能風雨同路廿八載，認真唔簡單。美容界夫妻檔老闆，日前喺九龍灣一間酒樓舉行六十年代懷舊派對，賓客齊以笑聲、歌聲，為喜宴錦上添花，主人家同時慶祝旗下美容集團廿七歲生日，喜上加喜。

另一邊廂，一個珠寶品牌舉行九十周年慶祝酒會，以舊上海為題，請來爵士樂隊演奏懷舊金曲，城中名人一同見證珠寶的優雅風範。

幽默名廚甄文達（右）現身懷舊派對，近年學烹飪嘅已故教育家陳樹渠千金陳燭光（中）與潮商青委蘇仲成（左）齊請教烹飪心得。	新婚的玩具大王蔡志明新抱汪圓圓，容光煥發出席懷舊派對。	經營床上用品生意的周國豐夫婦，齊向主人家送上祝福。
大家樂集團主席陳裕光（左）與太太羅寶靈（右）各有護膚心得，陳太愛用清水洗面，簡單就是美。	利豐集團榮譽主席馮國經千金馮詠儀（左一）與老公林詩棋（右一），齊到賀金星董事施念德伉儷（右二及左二）旗下珠寶品牌嘅周年酒會。	行政會議成員羅范椒芬（中）平時埋首政事，原來對珠寶都咁感興趣。
美鑽當前，富商梁銶琚女兒王梁潔華都為之心動。