貪曾「日理萬機」 貪湯外訪行程無王管
【本報訊】「貪湯」前廉政專員湯顯明任內豪花公帑瘋狂外訪，早前更被下屬踢爆其外訪行程「玩嘅成分居多」，但貪湯當時的上司「貪曾」前特首曾蔭權爵士卻一直縱容懶理。貪湯昨日再被問及有關問題時，形容貪曾「日理萬機」，故不想「麻煩」對方，毋須就每項外訪行程變動徵詢曾蔭權同意。
負責調查貪湯醜聞的獨立檢討委員會早前踢爆，湯顯明任內有四次外訪，未獲貪曾批准就已出機票。立法會貪湯事件專責委員會成員何秀蘭質疑，貪湯在更改機票或行程時，沒告知貪曾是違規及失職。貪湯推說出機票事宜並非由他本人安排，對於出訪四川及雲南時臨時更改行程，他更狡辯︰「我唔覺得有需要就呢啲話返畀特首聽，呢啲變更唔影響整個外訪嘅目的同成效。」他又形容一手提攜自己上位的曾蔭權「日理萬機」，「我唔需要為呢啲事情麻煩佢」。
「以我同特首關係 溝通足夠」
何秀蘭又質疑，湯顯明與曾蔭權的溝通是否足夠，貪曾有否對貪湯在廉署的行政工作、收受禮物、及外訪等做好監察及問責。貪湯聲稱自己進行外訪時會透過電話及填表格知會貪曾，日常亦就案件調查、防貪工作、截聽監控等與貪曾電話聯絡，但在收受禮物及酬酢方面，就未曾試過向貪曾口頭匯報︰「我以為以我同特首嘅關係，當年嘅溝通係足夠嘅。」