領匯淨識吸金 埋沒企業良心

黃大仙竹園邨於八十年代中期開始入伙，邨內不少「老街坊」會於竹園廣場及街市一帶聚腳兼聊天。林伯指領匯翻新街市時新設一個出入口，但梯級有暗斜，隨時成為傷人陷阱，「個出入口本身係斜路，所以嗰級樓梯就一邊高一邊低，好多街坊都唔為意成日戟到，點知領匯都係唔整！」

花槽光禿禿 淪為垃圾崗

林伯又指商場有不少設施尚待改善，如場外花槽植物凋零，綠化不成更有礙觀瞻，不滿領匯在翻新商場時未有一併處理，「花槽光禿禿咁，點解唔改做櫈，等啲老人家喺巴士站等車嗰陣有得坐嘛，唔使坐石壆咁陰功！」

丁志威（左一）指不少街坊要求將花槽改建成其他設施，如座椅一類以方便居民。	竹園廣場於二○一一年完成翻新工程，但便民工程卻欠奉。	街坊心聲 琼姐：「花槽衞生情況好差，最好改做有位坐嘅候車處啦。」

「每隔幾日就會有街坊走嚟同我講，話畀街市門口嗰一級戟親，我都反映咗好多次，但就一直唔肯整！」當區區議員丁志威稱，曾多次向領匯提出有關問題及建議，惟未獲正視，最終只能要求領匯於街市出入口放置花盆，阻止邨民走近較高的一邊，以「斬腳趾避沙蟲」方式減少意外，至於丟空花槽則繼續淪為垃圾崗。丁志威不滿領匯在巨大盈餘下，仍拒絕為民生設施作出改善。

吹噓關注社會 行動欠奉

領匯監察主席陳寶瑩直斥領匯經常吹噓關注社區，實際卻漠視社區設施，又指政府當年出售資產時，未有考慮除商戶外，部分民生設施亦會受影響，「以前仲係房署管，區議員真係可以為居民發聲向政府要求改善，但係依家領匯係私人企業，佢要唔理你就係唔理，居民真係完全無助。」

領匯發言人指出，已於出入口平台位置塗上黃漆及安裝「小心梯級」告示牌，並放置花盆，避免顧客於平台較高位置出入。發言人又指，花槽旁邊已設有多張座椅，並承諾將加強花槽的日常清潔。

記者：林永發