今屆立法會任期只係過咗一年半，至今已有四次會議因為不足出席法定人數而流會收場。我哋翻查資料，發現共有四名議員分別以唔同理由缺席四次會議，最終四次會議都係流會告終，佢哋分別係社民連「長毛」梁國雄、工黨張超雄、新民黨田北辰同民協馮檢基，其中前三人都係循地區直選出線，後者更加係循超級區議會進身議會，依家四人都加入「流會積犯」行列，唔知佢哋點同選民及納稅人交代呢？
