政情：鄉局籌款反應差 點組黨？
鄉議局主席劉皇發（發叔）尋日話，正在構想組黨，又話屆時會喺內部進行篩選後派人出選。不過，鄉議局多年來都只係幫人抬轎，而前年立法會選舉中，佢哋嘅新界東、西兩條隊伍，得票唔理想，再從佢哋籌款反對政府將西灣村等地納入郊野公園範圍嘅成績睇，幾個月都只籌得三十多萬元，同原先預計嗰百幾萬差一大段距離。咁唔團結點組黨？睇嚟佢哋都係得把口吹水。
鄉議局執委會尋日除咗通過由發叔領軍設立小組，籌辦委員會研究組黨一事外，仲提到早前因反對政府將五十幾幅「不包括土地」納入郊野公園範圍，因而設立嘅「維護權益‧廿元捐款運動」。不過，經過幾個月籌款行動，成績並唔理想，實收只有三十二萬元，口頭認數嗰三萬元都仲未收到。所以小組就諗咗條絕橋，由秘書處即時攞出捐款箱續一遞畀各執委，慷慨解囊嘅執委會被影低捐錢過程，莫非想記錄在案？