【本報訊】本地知名車手呂米高看過短片後坦言：「個司機反應極慢，一係佢技術極之水皮，一係可能飲咗酒，好明顯佢熄咗Traction Control（循迹控制系統），令架車唔識自己收油，繼續加速，造成甩尾。通常熄咗Traction Control係畀高手落場用，如果自己技術咁低，千祈唔好開咁快，如果唔係真係累人累己！」呂續指，法拉利其實並非想像中難以駕馭，因車上設有循迹控制系統及電子限滑差速器，能自動調校至最佳狀態，防止甩尾，加上「加速好、煞車好、轉彎咬地好」，當以普通車速駕駛時，較一般私家車還要安全。