探射燈：欠室內休憩空間 市民冇得避

屯門一直空氣欠佳，位於屯門公共圖書館的空氣質素監測儀卻離地約三十米。

去年致逾3000人提前死亡

根據香港大學公共衞生學院的資料，去年的空氣污染導致逾三千人提前死亡，造成的直接金錢損失達四百多億港元，留院床位十五萬天數，以及有七百多萬向醫生的求診次數。

「屯門一向空氣都好差，秋天一到，更加係煙霧瀰漫。」屯門區議員陳雲生表示，屯門沒有室內休憩空間，居民都只能到屯門市政公園聚會聽歌，「區內冇咩社區設施，公公婆婆都冇咩地方好去，公園已經係比較多樹木，感覺清涼啲。」他續指，經常到麥理浩徑行山，不用行上太高的位置，俯視屯門時，已難以看清建築物，因空氣欠佳，沿途碰到的長者亦顯得特別易累，故希望在區內加設室內社區設施，及在室內安裝空氣淨化裝置。

市民點睇 歐陽小姐（零售業）：「都未聽過呢個（空氣質素）指引，對患病人士嘅指引亦唔清晰，政府最好做多啲環保措施改善吓空氣。」

梁先生（零售業）：「呢度（元朗大棠）嘅空氣已經好過好多地方，香港空氣差都無辦法，我哋都係被迫吸入。」