探射燈：戴口罩無法阻隔懸浮粒子
污濁空氣避無可避，令哮喘病及支氣管炎患者經常病發，有呼吸科專科醫生表示，市民即使戴上口罩外出也無法阻隔PM2.5懸浮粒子，建議慢性氣管炎患者應避免在空氣污染指數高的地方逗留。
避免去空氣污濁地方
「銅鑼灣、旺角高樓大廈太密，就算戴一般口罩都冇用，PM2.5呢啲咁幼細嘅懸浮粒子都阻隔唔到，口罩都係不切實際，戴得耐更加會頭痛，只可揀唔去一啲空氣太差嘅地方。」中文大學呼吸系統科講座教授許樹昌表示，每到冬天，本港空氣轉差，因慢性氣管炎及肺氣腫而入院的人數亦激增。他指，空氣污染會令一般市民的鼻敏感發作、喉嚨痕癢，而患有慢性氣管炎的長者，易因空氣污染而刺激氣管，出現發炎、水腫情況。
坊間有不少湯水聲稱能潤肺止咳，「飲湯水都只係安慰劑，最好就係避免去空氣污濁嘅地方。」香港中醫師公會會長關之義表示，潤肺止咳的湯水如菜乾豬肺湯，實際功效未能真正過濾空氣，「飲吓無妨，但唔係飲咗就可以阻隔到香港咁污濁嘅空氣。」