現時長者護理院舍宿位嘅平均輪候時間為二十二個月，而護養宿位更高達三十七個月，輪候時間超長。不過，勞工及福利局局長張建宗尋日簡介施政報告時就大講風涼話，直言如果啲長者「唔揀擇」，唔指定入住院舍嘅地區，平均只需輪候八個月就得喇。其實長者護理院舍就好似公屋咁，申請人揀番原區都係想適應番個社區，加上長者入住護理院舍都總會出街行吓舒展吓，莫非張建宗當啲長者係貨物，諗住長期困住喺院舍內就能解決輪候問題？
