觀塘暖水池 泳客凍到震
重建後的觀塘游泳池重開以來問題不斷。泳客李女士指室內主池及訓練池皆設有暖水設施，惟早前卻有多日池水水溫持續過低，即使不斷地游動亦感「騰騰震」，「啲水咁凍，游幾耐個人都暖唔起，真係頂唔住，但係同泳池啲職員講水溫有問題，佢哋完全唔理我，咁叫我哋點游呀！」
溫度感應器異常 水溫過低
康樂及文化事務署發言人承認，曾接獲三十宗指水溫偏低的投訴，已即時檢測水溫，發現水溫有下降趨勢。檢查後發現泳池熱鍋爐的溫度感應器反應不正常，令池水溫度接近調校指標的下限攝氏廿六度，經維修後已回復正常。發言人指一般水溫會盡量調校至廿八度。
「由四月開到依家得嗰幾個月，成日都有事，起嗰陣嘅監工係咪出咗問題？」觀塘區議會文化、康樂及體育事務委員會委員柯創盛斥部門的日常維修保養未能確保設施可穩定運作，必須作出檢討，以免影響泳客。