真普選聯盟（真普聯）提出特首普選「三軌方案」，召集人鄭宇碩話方案係一個整體方案，激進泛民主派就解讀咁講代表真普聯支持三軌方案「缺一不可」，變相逼堅持三軌方案非缺一不可嘅民主黨上轎。該黨主席劉慧卿尋日急急腳走出來澄清，話自己唔會咁容易被人「夾」到，強調如果最終出來嘅方案有競爭、冇篩選，令唔同政見人士有機會入場，佢哋就會支持。不過，卿姐講完無耐，人民力量即刻發聲明要求該黨退出真普聯，睇怕卿姐要左閃右避先至唔會被人「夾」到喇。
