房署欠規劃 工程拖成年
房署行人路工程延誤，連累街坊出入被阻一年！房屋署去年在天水圍天悅邨行人路展開加建上蓋工程，動工後才發現工地地底藏有纜線，需修改圖則才能繼續進行，工程受阻至今仍未完成。區議員批評房署事前評估工作不足而拖延進度，令工程時間增加一倍，影響居民出入。關注團體則直斥房署對工程監管不力，要求部門調查並向公眾交代事件。
連接廣場路段遭圍封
「原本呢個工程都係方便居民嘅，整番個頂等街坊唔使淋雨，但有乜理由一段路仔整成大半年都未整好？搞到出入都好唔方便！」陳女士指出，天悅邨連接頌富廣場的行人路大部分路段均設有上蓋，僅餘接近廣場出入口一小段「好天曬、落雨淋」，但在去年中亦開始加設上蓋。
陳指工程原訂今年年初完成，惟早前有通告指完工日期要延後半年，對每日到街市買菜的居民造成嚴重不便。
記者曾分別於多日的上午及中午時間到場視察，均不見有工人施工。由於廣場對出一段行人路受工程影響被圍封，居民需改用廣場兩旁出入口，惟其中一個出入口為馬路及的士站，人車爭路驚險場面不時出現。
使用量增逼爆玻璃門
居民吳女士更向記者表達對工程進度的不滿，「個工程已經延誤咗，依家仲成日都唔見人開工，咁落去出年都唔知做唔做得完啦！」
當區區議員趙秀嫻表示，自從居民集中改用廣場另一出入口進出後，疑因使用量突增而發生玻璃門塌下事件，「都唔知係唔係太多人開門，搞到之前有道門冧咗落嚟整傷個小朋友。」趙又指曾接獲不少街坊投訴施工期過長，希望房署能加快工程進度。
房屋署發言人表示，天悅邨通往頌富廣場的行人路於去年五月進行加設上蓋工程，原本預計於今年初完工，但工程期間發現施工範圍地底有電訊公司的纜線，需就此修改部分結構圖則，工程預計延期至今年中才可完成。工程期間，居民仍可使用商場兩旁的出入口往來天悅邨與頌富廣場。
「地底嘅纜線應該按規劃鋪設，房署冇理由會唔知！到底係有人違規鋪設、定係規劃工程嗰陣有人睇漏咗，房署一定要調查同向公眾交代。」
公屋聯會主席王坤指出，過去亦曾發生類似事件以致拖延工程進度，直斥房署監管不力，要求日後必須加強工程監督，「今次就發現有纜線，如果下次工人冇發現鑿斷咗條電線咪搞到大停電！」
記者：楊育輝