政情：公民講場：貪曾扣地六年阻港人上樓

凡事都有因果，好似依家樓價高企，房屋供不應求，呢個惡果就係「貪曾」前特首曾蔭權爵士在任時種落，皆因佢乜都唔做，淨掛住發展「高大空」嘅六大產業。我哋尋日提過一幅喺大埔丟空嘅土地，就係貪曾在任時發醫療產業嘅春秋大夢，計劃將有關土地改劃成私家醫院用地，但結果私院建唔成，土地白白丟空六年，依家先至話用番嚟建屋，令港人浪費六年光陰，大家買唔到樓或輪極都輪唔到公屋，某程度都係貪曾所累。