政情：今日你上鏡：「浴火重生」 八鄉古廟設宴

每年秋分，八鄉村代表都會齊集八鄉古廟進行祭祀，同埋設盆菜宴搞吓氣氛。不過，前年呢座超過二百五十年歷史、屬二級歷史建築嘅古廟發生火警，供奉抗英烈士嘅烈士祠亦被燒毀，呢啲傳統惟有被迫暫停。一班善信及鄉紳為咗修復古廟，籌集咗四百萬元修葺，尋日終於舉行重修落成開光儀式，仲擺咗三百圍齋菜盆菜宴，重現昔日盛況。新界鄉議局主席劉皇發、副主席張學明及立法會議員梁志祥都有出席，同二、三千名善信及鄉親齊齊食齋積福。