不過台灣軍情局嚴正否認有關報道，話報道根本係子虛烏有，擺到明批評《大公報》老作。
被指有駐港特務組織
《大公報》嘅報道話，台灣軍情局負責嘅駐港特務組織已全面啟動，仲散落晒喺本港唔同行業同政治組織，目的就係介入佔中、破壞本港一國兩制，而實際負責特工指揮嘅，係一個香港土生土長女子。報道仲話，有份參加元旦遊行嘅元朗區區議員麥業成喺親台組織中有一定影響力喎。
台灣嘅國防部發言人羅紹和嚴正否認《大公報》報道，仲話報道內容全部都係憑空想像、毫無根據，本港根本就冇所謂嘅「駐港特務組織」，就連報道內提及嘅人員編制都係杜撰咁話，真係否認得好明確。