港視不獲發免費電視牌照，當時「魔童」港視主席王維基言之鑿鑿話無Plan B，惟有即時裁走三百幾名員工。被裁走嘅員工部分轉行、部分靠積蓄頂住先，但佢哋都無怪王維基。點知最近王維基自爆當日講緊無Plan B時，原來轉個頭已同中移動秘密交易，洽購流動電視牌照，但仍然手起刀落裁員，你話班員工點會唔激到紮紮跳？佢咁做，即係當手上員工係一堆棋子，又或當員工係麵團，搓圓撳扁。唔怪得之有唔少港視員工見過鬼怕黑，唔敢再幫王維基打工啦！
