基本法委員會委員譚惠珠尋日上電台節目時，提到以往市民成日批評政府官商勾結。眾所周知，官商勾結係「貪曾」前特首曾蔭權爵士年代嘅產物，罔顧小市民活喺水深火熱當中，任內大部分政策向商界傾斜，而貪曾自己更係「佼佼者」，最鍾意走上富豪遊艇玩樂，貪盡海陸空、歎盡省港澳，敗壞政府聲望。貪曾禍港七年，結果咪連累現屆政府囉，公務員士氣低落、貪腐風氣升、市民買樓艱難及百物騰貴等。所以珠姐一句「官商勾結」，直情係一矢中的射中貪曾死穴，實在大快人心。
