政情：黃帆風開議辦 未諗直選

去年獲委任為觀塘區議員嘅博愛醫院前主席黃帆風，早前喺翠屏邨開咗首個議員辦事處，瞓身投入地區服務。租金貴，唔少議員開辦事處都呻窮，但做廚房用品出口生意嘅黃帆風係有米之人，自然唔使計較咁多。不過，仲有唔夠兩年區議會就要改選，到時會取消委任制，咁大費周章開辦事處，唔通係為直選鋪路？黃帆風笑笑口話，未諗咁多，到時仲要睇吓街坊滿唔滿意佢嘅工作喎。