天橋小販當食署冇到
港鐵上水站連接上水廣場的行人天橋平日行人如鯽，加上常有無牌小販擺賣，令通道更擠迫。陳先生直指情況已持續多時，要求食環署設法取締，「條天橋平時都多人到行唔到，啲小販仲喺度阻住晒，食環署應該多啲派人嚟，甚至長駐喺度，等佢哋完全冇機會擺檔！」
議員籲派便衣採突擊行動
食物環境衞生署發言人表示，接獲本報轉介後再派員巡查，未有發現非法擺賣活動。發言人承認，過去一年共接獲約一百十一宗相關投訴，但僅拘控十三名無牌小販並檢獲十批棄置物品。
「條天橋一邊係港鐵管，另一邊就係商場範圍，啲小販一見到食環職員嚟就會衝入上水站或者商場，食環署應該諗下點樣部署，唔係都幾難拉到佢哋！」當區區議員王潤強指，該天橋平日極為繁忙，建議食環署派便衣職員採取突擊行動，阻止無牌小販逃入私人地方，增加執法成效。