臨近聖誕節，活動浪接浪，兒童發展配對基金尋日就喺銅鑼灣一個商場搞咗個「聖誕頌歌節」籌款活動，搵到懲教署署長單日堅（中）主禮，兼且同十多名正生書院學生齊唱聖誕歌籌款，可謂出錢又出力。單日堅透露，佢除咗唔識唱粵曲之外，其他歌都唱得吓o架，加上佢小學同中學都讀教會學校，所以真係任何聖誕歌都難佢唔到咁話。點知第一首播出嘅歌，係由一班正生書院學生創作嘅聖誕歌，今次仲考唔到佢？不過，就現場所見，單日堅又真係冇甩嘴喎，認真厲害！
