政情：公民講場：政改談曼德拉騸雞抽水

備受景仰嘅南非前總統曼德拉月初與世長辭，除咗多國人民悼念外，白鴿黨單仲偕（騸雞）尋日亦喺立法會內務委員會上要求喺下周三大會進行休會辯論。但原來除咗悼念之外，佢仲將曼德拉同政改諮詢扯上關係，可謂抽水抽到盡。建制派議員譚耀宗認為，議題既無關公眾利益又無急切性，反建議泛民主派喺議會外景仰呢位一代偉人，又話若然今次先例一開，日後再有類似偉人過身，而立法會又唔進行休會辯論嘅話，就會有唔尊重對方嘅感覺；而騸雞嘅提議最後亦被否決。