立法會最近起緊條天橋接駁至鄰近嘅建築物，為咗安全起見，議員出入口通道就用工程圍板圍封。不過，圍板灰灰沉沉冇乜生氣，所以秘書處就將通道變成「兒童畫廊」，仲喺尋日開幕禮邀請咗十個幼稚園學生出席添。一班開完內務委員會嘅議員遇到抽水機會，即刻蜂擁而至，成二十個議員圍住班小朋友，又攬又抱咁畀傳媒影相，搞到有啲學生扁晒嘴，有啲就搵幅畫遮住自己，有個男生更加嚇到係咁喊添！好彩班議員同秘書長陳維安抱起啲學生後，好多都即時笑番晒。
