電器回收商佔路 食署懶理
公眾地方被佔用堆放雜物，不但造成阻塞，更影響環境衞生。居於青衣的黃先生發現，寮肚路一段行人路常被舊電器回收商佔用，「嗰日行過先見有四部大雪櫃擺咗喺行人路，有乜理由行人路都可以畀人擺嘢做生意？咁耐都未見過有食環署啲人嚟理過，究竟食環署做緊啲乜嘢？」
食環署發言人指出，接獲轉介後派員巡查，並未發現違例情況。發言人強調，該署一向關注上址一帶潔淨情況，並已加強巡查，若發現有人違例，便會提出檢控。該署會繼續監察上址情況及採取適當行動，以保持行人路暢通。
「行人路搞到變咗好似回收舖咁，食環署要認真跟進先至得！」黃先生希望食環署加強巡查並採取執法行動，確保行人路暢通無阻。