港府實施「限奶令」已有一段時間，但食物及衞生局局長高永文尋日喺立法會一個委員會上話，基於早前港府委託顧問進行嘅奶粉供應壓力測試結果，目前未有成熟條件撤銷限奶令，仲建議本地父母及早買定奶粉，以應付聖誕節同新年期間可能出現嘅奶粉短缺問題。高永文叫人買定奶粉，係咪代表實施「限奶令」嘅作用不大呢？如果係咁，不如叫啲本地父母訂定一年嘅奶粉，咁就唔使實施「限奶令」啦，難怪有議員批評佢嘅言論可能會引起本地父母同水貨客即時搶購奶粉啦。
